Ramadan this year

وين وين !!!

الفيروس بعده ينتشر

والناس تبى تسير العمرة والحج

السؤال: تقدر السلطات السعودية تحدد منو يحج السنة ومنو لا !!!

انتبهوا عدل على أعماركم

يحفظكم ربي

تحدى نفسك

مقولة ما تمر بسلام

وتحدي أشوفه أصعب من غيره

ليش لا

تحدى نفسك ولا ترضى إلا الأحسن دوم

تحداها...ولا تعيد غلطاتك

تحداها....وقوي الضعف اللي تحاول تخفيه في شخصيتك

تحداها...وابدع في كل مجالات حياتك

تحداها....وعيش بالأمل وسط الظلام

تحداها.....واحلم كل يوم بحلم تشوفه مستحيل

تحداها....وصل على النبي محمد كل مادخلت مدونتي

تكسب حسنة ...وتكسبني حسنة

:).........:)...........:)

*السموحة منكم لأني ماكتب كثير مثل الأول

كل يوم أقول باجر أفضى وأجابلكم...

طولوا بالكم شوي

:0

Last Holiday

حد منكم شاف ها الفلم

ماصارت لي فرصة قبل أشوفه واليوم شفته

كوين لطيفة تمثل انها انسانة عادية بتظن انها مابتعيش أكثر من كمن أسبوع

واختاروا وقت بداية السنة علشان هاللحظة وين البشر بالعادة يخططون اسنة جدام ويحلمون أحلام أكبر من واقعهم

الواحد مايدري متى بيموت ..والحياة تستاهل إنا نعيشها ونستانس فيها ...

لا تخل في خاطرك شيء تبى تسويه ...اليوم استفيد منه...لا تتناجر مع الناس وتعاملهم بضيقة

الحياة حلوة...بس لو نعرف كيف نعيشها :)

عمرك كم ؟

عجيبة....وحلوة....شباب.....:)

مريم والحظ السعيد

مريم والحظ السعيد-مجموعة قصصية للإماراتية مريم الساعدي

أسرتني الكلمات وتعابيرها الموفقة

تناولت فيها أحداثا وقصصا روتها بلون جديد

من حياة الماضي...ومنغيرات الحاضر

كتبت..تعمقت...أشياء بسيطة..بدت فعلا مهمة

حكت عن كوب شاي....العجوز...فلسطين...معلمات

أضحكتني حكاية الذبابة

لا تفوتكم

( حتى أنا أحبك..فداك فنجان قهوة ودفتر

Click her to read ....

Alegría de Cirque du Soleil

حضرت اليوم سيرك الشمس...روعة بكل مافيه...
السيرك كندي...ومقدمي العروض من كل أنحاء العالم..
أليجريا تعني المزاج أو الحالة النفسية...شدني جمال التناسق في الموسيقى والملابس والعروض
سمعت ضحكات الأطفال بكل مكان..وتصفيق الكبار...
كنت أفكر: ممكن انسان يعيش بقناع على ويهه كل الوقت!!
وإالا ممكن يكون عنده مرونة عالية بالحياة...!!! امممم...لازم أجلبها فلسفة :)
يلا شو تتريون!!! سيروا شوفوه ويا الصغارية...أو ويا ربعكم....
وخبرونا رايكم فيه :)