درس اليوم من محاضرة روحانيات صائم لإبراهيم الدويش
الدرس كان لا تنتظر الناس تسأل عنك
لو ما باركوا لك بالشهر الكريم ...انت بارك لهم
لو ما اتصلوا يهنونك ...انت اتصل عليهم
لو ما نشدوا عن أخبارك .....انت انشد عن أخبارهم
لا تنتظر...انت ابدأ ...خل نيتك رضا ربك..وارفع قدرك بها
يوم سمعتها ....على طول قلت ماراح أتريا صديقاتي يتصلن
ماراح أضيع وقتي ليش ما اتصلن...
مايفكرن فيني..مايهمهم أمري..مايقدرني مثل ما أقدرهم
رفعت السماعة...6 دقايق بس....وكمن دولار
والنتيجة اني سبقت بالأجر ان شاء الله
ما عاتبت ..ما لمت أحد...ولا ناوية
دايم أتخيل صلة الرحم وهي متعلقة بعرش الرحمن
وأردد دعوتها في حديث رسولنا عليه السلام:
اللهم صل من وصلني و (---)من قطعني
المحاضرة فيها كلام كثير ودروس كثيرة حلوة
ما أقدر أذكرهم هني لأني متفقة وياكم ما أزيد على درس واحد كل يوم
وبعدين عندي دراسة أخلصها :))
2 comments:
ما شاء الله
!!
الله يثبتج وينور قلبج ويعطيج على قد نيتج...وجزاك الله كل الخير يا اللولو
ومبارك عليج هالشهر الفضيل
خوش درس
وفعلا..لابد من احسان نيتنا حتى في مجرد المباركة لاحبائنا
وايد اسمع
فلانه ما تقدر
ليش نقدرها
!!
وهذي احد اهم مداخل الشيطان علينا
لابد نسوي كل شي وابسط الاشيا لله
الله يوفقك بدراستك يارب
تسلمين استكانة
مرورج شرفني
ومبارك عليج الشهر
Post a Comment