محاسبة

انزيييييييييييييييييين

مستعدين

ان شاء الله الكل حاضر

بصراحة يبالنا هالوقفة

.... كل فترة لازم نراجع إذا حققنا اللي خططنا له...

شو فايدة التخطيط ساعتها إذا كلنا ونسينا ..........!!!!!

اليوم يكون مر 33 يوم من حملة 100 يوم إلى رمضان

كثيرة مو......الأيام تركض من أعمارنا..

ونحن يالله بنسوي ونسوي..لكن يوم الله يريد...:(

وعلى ها الحال سنين تمر وماننتبه إلين نشوف الشعر الأبيض وإلا التجاعيد تبين ....

بسم الله نبدي

التجهيزات الروحانية*

سامحت وعفيت كل من ظلمني....وغلط بحقي...ومو لازم يعرفون..لكن أقل شيء ماأشيل بقلبي شيء عليهم..

محاسبة النفس قبل النوم: هذي سامحوني بس ماضبطت وياي غير 3 مرات فقط....لكن وراها وراها...
أذكار الصباح .....صح....أذكار المساء...يمكن مرة وحدة قلتها في ها الشهر...مب راعية ليل:) شسوي.....
سورة الملك والواقعة....الحمد لله ...هذي مداومة عليها من زمان...أستاهل 10 من 10

حفظ القرآن...بديت مع وحدة من الخوات...تدرس وعندها طفل ماكمل سنة بعده....لكن همتها عالية إنها تحفظ..بدينا بسورة الكهف ....حفظت 14 آية ...أدري شوية في شهر...لكنها البداية إن شاء الله
الإستغفار.....وهذي حطوا تحتها كم خط بالأحمر......طريقة يديدة باستخدام اليد....لكن سوت العجب...اختكم عيازة درجة أولى..3 أو 4 أيام من كل أسبوع...والباقي يوم أتذكر.....شوفوا الصورة لا تفوتكم...منقولة من المنتديات للأمانة

حمد وشكرربي على كل الخير اللي عطاني إياه...جسم معافى...سمع وبصر...لسان يتكلم...ويد تلمس...ورجل تمشي....مافيني عاهة أو تشوه.....هذي كم تسوى بنظركم:)..الأمر مايخلى من عوار راس أو ظهر...لكنها هينة..

والدين خيرين الله يخليهم ويعافيهم...أهل وعزوة....وخوات وصديقات دين ودنيا....اللهم لك الحمد.............

شو تم بعده ماتحاسبنا عليه......امممممم.....غيبة ونميمة......ساعاااات.....بس أحاول أمسك لساني......

التعاون على الخير: فكرة بناء مسجد ...في دولة فيها أقلية مسلمة...المشروع طرحتها الشارقة الخيرية..يتم تقسيط المبلغ لمدة 12 شهر...يعني لو نتنازل عن شنطة وإلا قميص وإلا نعال وانتوا بكرامة ...وإلا شيء ثاني من الكماليات كل شهر

نكون وفرنا المبلغ بفلوسنا....حتى اخوي اللي بالمتوسط تشجع يساهم ويانا....لكنا ما اعتمدنا المشروع بعدنا....ان شاء الله في المحاسبة الثانية بخبركم عنه.........

بدينا نتصدق كل يوم بمبلغ رمزي....قلنا من درهم لخمس دراهم...نحطها كل يوم الصبح ونحن غابشين لأشغالنا...ترا في

ملك يقول اللهم أعط منفقا خلفا....ونتمنى نكون منهم...خمس دراهم كل يوم شو بتكلفك...وكل اسبوعين نجمع المبلغ ونعطيه محتاج

الإستعدادات الجسمانية*

الرياضة ...يالله بالستر مو سهلة أبد.....يوم في كل 10 أيام ...يعني 3 مرات للحين.....لكني وراها وراها ...والزمن باقي منه 66 يوم

الاستعدادات المستقبلية*

التخطيط للإختبارات....على قدم وساق...والله يعينا

تعلم لغة جديدة.....بصراحة ما سويت فيها شيء غير شريت الكتاب...ومتى ببدي أقرى فيه.....نقول من باجر....

التخطيط لبيت المستقبل....بعد الإختبارات ...مايمديلي الحين إلا أقارن بين الرسومات...فقط لا غير...ولا حد يطلب مني أكثر........

القراءة العامة.....كتاب كل أسبوعين.....ممتاز...وان شاء الله أستمر...من الكتب اللي قريتها : صور وخواطر لعلي الطنطاوي، الإحتلال لروبن كوك، إدارة الأولويات ستيفن كوفي، محمد النبي كارين آرمسترونج

تعلم التصوير.....بعد الإختبارات بالسلامة....لكل شيء وقته
والفوتوشوب بعد....ما بغيت أبدى خخخخخ...علشان أرحم نفسي من مذلة اختي كل ما أطلب منها تسويلي شيء

مايحضرني شيء ثاني الحينه............سويت الواجب اللي علي

والحيييييييييييييييييين

.........منو يقدر يحاسب نفسه جدامنا كلنا

شيماء الكندري....

بو سعد

...منال

رجل يحمل مشاعر

.سلمان

الزين

بصمة منارية

الفوشية

.يويو

محمد القويعري

بإنتظاركم جميع

:) :)