شاء الله أن نكمل الشهر الفضيل 30 يوما في بلد الغربة
يوم زيادة...يعني ألحق أخلص ختمة القرآن
صلاة تراويح زيادة
دعوة عند الإفطار
غبطت اللي فطروا ...لكن لو بلحق على الزيادات يا سلاااام:)
من يومياتي الرمضانية...مقتطفات...ومواقف علقت في الذاكرة
ليلة 27
مصلى الجامعة امتلى على الآخر في صلاة التراويح
وفي صلاة القيام خبروني انه العدد كان كبير..
حتى في صلاة الفجر...الطالب اللي صلى بنا التراويح ليلة 29 كان يقول
خوفي بعد رمضان يصير مايحضر غير واحد صلاة الفجر مثل
ماكان يصير في غير رمضان...كلامه صحيح والله..ياكثر المساجد اللي تفضى من بعد رمضان :(
اليومية الثانية كانت في تراويح ليلة29
ريما طالبة بالجامعة من أصل لبناني..في ال30 من عمرها..أهلها كلهم في لبنان..
شفتها كمن مرة في مصلى الجامعة في الصف الأول للنساء
أسلم عليها لكن ماعرف عنها شي..لين ها الليلة
قربت عدالي وقالت تكملين التراويح جماعة معاي ..ناوية تصلي ال20 ركعة
قلت لها خلينا نصلي...وبعدين خبرتني عن نفسها
عندها يقين انه اللي الله كاتبه هو الأحسن في كل الأحوال..
والإنسان يستخير ربه علشان ييسر له كل خير في أموره ومن ثم يمشي في أموره
ولا يزعل من شي ماخذه....
تقول تحاول ماتقطع حبلها بالله دايم ..بعيدة عن أهلها مسافات وأميال ماشافتهم من سنتين..
لكنها ماتبى تكبر المسافة بينها وبين ربها
مجتهدة في الدراسة بالرغم من انها قطعتها فترة طويلة ولقت صعوبة في البداية والحين معدلها 4.5
الحمد لله على كل شي يسره لنا في غفلتنا..مانسانا يوم نسيناه...
وأخيرا
عيدكم مبارك يا جماعة لو معيدين اليوم وإلا بتعيدون باجر
تقبل الله طاعتكم :)
