هل معقولة فيه بينا ناس بدون عقل
لايمكن يميزون بين الحق والباطل
للأسف يقولون يتكلمون بالعقل
وأنا ماشفت غير الجهل
ونوايا خبيثة
تكلموا عن الإسلام والنبي محمد
نسوا القرآن
نحن نشجع العقل والتفكير
واللي عنده شوية إدراك
بيعرف يقول لهم ستوب...
الله يمهل ...حليم على عباده
لكنه شديد العقاب
اذكروا هذا الشي
أرجو من الجميع الإنتباه لوجود هذي النوعية بين البلوقرز
اللي قاعدين ينشرون كتابات ماترقى حتى للنقاش
والأدهى انك يوم تطلب منهم يخبرونك ليش كل ها التحامل على الاسلام
يقولون عندنا عقل ولازم نفكر فيه
الحمد لله على نعمة العقل..والحمد لله على نعمة الإيمان
يا ترى شو تقدرون تقولون لهم
أتمنى إن كل واحد فيكم ينصر ربه ودينه
11 comments:
آنا أول ما شفت الموضوع قلت أشكره له علاقة بالبوست المُلحد، إنزين شلون إختي تقوولين لا تقرأ الإلحاد وتحطين لنك إلحادي :) ؟؟
آنا عن نفسي إنسان عادي مُقصر، حالي حال غيري .. ولكن من أقرا هالمواضيع تحووشني غيرة غير طبيعية لأنها ما تمسني وتمس القراء .. تمس محمد أشرف الخلق، الكاتبة هذي ما تسوى ذرة غبار داست عليها ناقة الرسول أو تفلة بغلة النبي صلى الله عليه وسلم عند الله .. والله يمهلها ولا يهملها ... وإن ماتت على فكرها، راح إيي اليوم اللي أنا وياج وكل قارئ قرا موضوعها راح نشوف الحساب جدامنا إذا ما يازت عن سوالفها
إذا كانت ملحدة، لكي دينك ولنا ديننا ما اختلفنا، وإن شاء الله تموتين بهالفكر ما همنا .. بس مو من الحرية المساس بالذات الإلهية أو رسولنا الكريم اللي نفداه بأرواحنا وأنفسنا .. آخر كلمة، الحمدلله إنكم شرذمة بالكويت وعسى الله يهديكم أو يرديكم
ولنعرف بماذا يفكرون، ولنحلورهم بالعقل والمنطق .. وعلى قولة الشاعر
عرقت الشر، لا للشر لكن لتوقيه
ومن لا يعرف الخير من الشر، يقع فيه
وشكراً إختي على الغيرة بكتابة البوست
Firstly, You're making the road a little easier for that unknown athiest as your spreading her word by posting her link in your Blog.
Secondly,for God's sake.Remove the verification code from ur BLog :)
أخيتي
الإلحاد موجود
من زمان
لكن هناك فرق بين الملحد اللي يبحث عن الحقيقة
والملحد اللي يبي يجذب الأنظار ويستظرف دمة لمجرد قضاء وقت الفراغ
والأغلب في المدونات من الصنف الثاني
لأني عرضت على أحدهم النقاش مع محمد العووضي
لكنه رفض
وهنا عرفت إن المسألة مسألة
أنا عندي بلوق وأنا ملحد
ويبي يقزرها
ولا نملك غير الدعاء لهم
لأنهم في سكرة
:)
ملاحظة:
أتمنى إنج تشلين لنك البلووق
لأنج جذي سويتي دعاية للبلوق
وهذا اللي يبووونه
وأيضاً تفادياً للشبهات
:)
يزاج الله خير على حرصج وغيرتج
على الدين وعلى الحبيب محمد صلى الله عليه وسلم
:)
::::::::::::::::
فرق بين الذي يبحث عن الحقيقة وبين من يبحث عن العبث والأستهزاء
لا تتعجبي من هذا فانتي في دنيا العجائب
بوركتِ
حفظك الله
::::::::::::::::
الأخت لؤلؤة
شكرا على اختيار هذا الموضوع الهام ..
ولعلي أتفق مع الأخ "حياتي هدف مو عبث"
على أن وضع اللنك فيه نوع من الدعاية.
ومن وجهة نظري الشخصية
أن الأخ أو الأخت أو المسخ "مريم الموعذراء"
واحد فعلا فاضي وغير جاد.
السلام عليكم جميع
والشكر موصول لكم للردود
خلوني أوضح نقطتين عندي:
1-يوم أقول لا تقرا الالحاد معناته اقرا وناقش عقلك قبل كاتبة الموضوع
يمكن اللنك ينشهر وانا معاكم بها الشيء،خلوه ينتشر بين اللي عارفين دينهم عدل،مسلمين او غيره،يمكن ربي يسخر من عنده علم وحجة يدافع عن دينه ونبيه
واللي دينه ضعيف ترا قلنا من الأول:لا تقرأ الإلحاد :)
2-سواء كانت الكاتبة ضايعة وتدور طريقها والإ لها هدف ثاني ماراح توصل له ان شاء الله يوم نكتب ونبين للباقين اللي حاصل
راح أشيل اللنك من المفضلة لكني بخلي الرابط في البوست لفترة
..*for those who asked me to remove the verification code , i found it interesting to test ur eyes whenever u want ot add a comment here :)
hope u get used to it soon ...:)
محمد القويري
أنا أخت أخت أخت
:(
تبين نصيحة اخ لا تحطين الرابط عندج والغيه افضل
مو مستوي القراءة صدقيني
لا سمح الله احد يقري بالغلط من طرفج ويتأثر بطريقة سلبية
مشاري
مشكور اخوي
بلوق عمتي
تسلم يمناك:)
العقل نعمه
والاسلام نعمه
ورسولنا صلى الله عليه وسلم نعمه
الحمد الله على النعمه
انا قلبي يتقطع لما اشوف اللي يكتبونه،مادري شلون وصلت فيهم الجرأة انهم جذي يكتبون و يستهزءون بهالطريقة في الله و رسوله(عليه الصلاة و السلام)
الله ينور بصيرتهم ان شالله و يهديهم الصراط المستقيم قولي آمين
Post a Comment